Page 39 - Nix zum Lochn
P. 39
es glick 1
Es Glick, des is am schdeaksdn daunn,
waunnsd goa nix waaßd davo.
Du waaßdas easd, waunns laung is hea
und nie mea wiad a so.
A Zug, wos scho ogfoahn is.
A Schiff weid drausd in Mea.
De Sun, wos bluadrod undtagehd.
Und de ane, wos föhd so sea.
A Tschick, dea wos längsd is vagliad.
A laara Blods in Bedt.
A Dog, wos hod di gmochd so miad.
A Nochd, wos aufhead ned.
A Liad, des wos vaklungan is.
A Duft, den wosd hosd kenndt.
A Gfüh, wosd gschbiad hosd iagndwaunn.
Des wos si hod varrendt.
Es Glick, des is am schdeaksdn daunn,
waunnsd goa nix waaßd davo.
Du waaßdas easd, waunns laung is hea
und nie mea wiad a so.
