Page 34 - Nix zum Lochn

I bin ned groß, i bin ned gla,
i bin ned leichd, i bin ned schwaa,
i bin ned dia, i bin ned blad,
i bin ned lusdich, i bin ned fad,
i bin ned foisch, i bin ned echd,
i bin ned gscheid, a waunn is mechd.

Brauchd wiad ana, wos is imma brav.
Brauchd wiad ana, wos nie schdeigd aufd Saf.
Brauchd wiad ana, wos si nie umdreibd.
Brauchd wiad ana, wos da imma bleibd.

Owa so ana wia dea, is am Weg nie zu dia.
Mi brauchd zwoa kana, owa do wa i, do wa i dafia.

Brauchd wiad ana, wos dad Rudschn legd.
Brauchd wiad ana, wos da ollas beckd.
Brauchd wiad ana, wos dan Weg frei mochd.
Brauchd wiad ana, wos di guad eikochd.

Owa so ana wia dea is hoid södtn eis wia.
Mi brauchd zwoa kana, owa do wa i, do wa i dafia.

I bin ned reich, i bin ned oam,
i bin ned koid, i bin ned woam,
i bin ned zschbod, i bin ned zboid,
i bin ned jung, i bin ned oid,
i häd nix, a waunn i wos häd
und du, du siechsd mi afoch ned.

2