Page 80 - Dodtalschodn Flipbook
P. 80
An Schdeckbriaf hob i gschriebn und hob eam bei mia zaus aufghängd:
„Vorsicht vor diesem Mann! Sehr lästig! Passen Sie gut auf!
Die Selbstschutzpolizei nimmt Ihre Anzeige entgegen.“
Es hod nix brochd, mei Schicksoi, des nimmd imma no sein Lauf,
imma no sein Lauf.
Dua_r_i vuan Schbiagl schdeh und dea schaud mi au goa so dreiheazich,
daunn deng i ma wiedarum, geh sei zu eam do ned so hoadt!
Mia haum nua uns und jedsn samma eh scho laung beinaunda.
Und außadem, dea wiad da eh nie bleibn daschboadt,
nie bleibn daschboadt.
Den zum Vaschdeh, des hob i miassn längsd scho aufgebn.
Schausd in eam eine, siechsd jo frisch di söwa nua.
Und drodsdem glaub i meisdns, i waaß vo dem rein goa nix.
Und so häng i weida aun sein Bandl, wia_r_is eh scho imma dua,
eh scho imma dua,
eh scho imma dua.
