Page 73 - So Laung
P. 73
driAbSöLichkeitSALLee 12
De Büdln vakaufns vo de Ghängdn.
De Reisebäss moins braun au.
Da Scheenheidssalon is voi Madrosn.
Da Ziakus is wieda do.
Do kummd da blinde Inschbekda.
Den haums hybnodisiad.
Aunan Seudendsa haums sei ane Haund ghängd
und de aundre in de Hosn bladsiad.
Und es Iwafoiskommando is voi wualad.
De miassn dringand iagndwohi geh,
waunn mei Hoide und i schaun ausse heidt Nochd
vo da Driabsölichkeidsallee.
Es Oschnbudtl, des is voi guad drauf.
Redsd vo mia, redsd vo dia söwa, hods glochd.
Und hod gschdeckd de Händ hindt in de Doschn
wias de Bette Davis mochd.
Jeds kummd da Romeo vuabei und duad seifzn:
Heasd, i glaub du gheasd zu mia, liabs Kind.
Nua daunn sogd ana: Oida, oba du gheasd do ned hea,
bessa seusd di o wia da Wind.
Und waunn de Redtung daunn is ogfoahn,
daunn wiads mid an Moi so schdüh, so schee.
Nua es Oschnbudtl heasd, wos aufwoschn duad
de Driabsölichkeidsallee.
71
