Page 11 - So Laung

A SchWerA reGN 04

Sog, wo bisdn gwesen, mei scheena Bua?
Und wo bisdn gwesen, mei anzicha nua?
Umadumgschdoibpad bin i, bei zwöf nebliche Beag.
Bin maschiad und bin gräud auf sechs vabogane Schdrossn.
Bin einegschdiegn midtn in siem drauriche Wöda.
Bin gschdaundn vua an dudsnd vo Mea, vo vaseichde.
Bin gwesen külomedtadiaf in Schlund vo an Friedhof.
Und a Regn,
a schwera Regn, a schwera Regn, a schwera Regn.
A schwera Regn, dea
wiad boid foin.

Und wos hosdn gseng, mei scheena Bua?
Und wos hosdn gseng, mei anzicha nua?
I hob gseng a glans Baby, rundumadum wüde Viecha.
Hob gseng a Schdroß aus Diamandt und kana woa duadtn.
Hob gseng an Osd, an schwoazn, vo dens Bluad owedrobfd is.
Hob gseng an Soi volla Männa mid bluadiche Hämma.
Hob gsenga a Ladta, a weiße, is gschdaundn in Wossa.
Hob gseng zehndausnd dazöhn mid brochane Zungan.
Hob gseng Schweadta und Gwea in de Händ vo glane Kinda.
Und a Regn,
a schwera Regn, a schwera Regn, a schwera Regn.
A schwera Regn, dea
wiad boid foin.

9