Page 57 - Nix zum Lochn
P. 57
kednsogn 0
Kednsogn rodian in dia drin.
Schneidn laungsaum ollas zsaumm.
In da Brusd gniaschn de Schdana,
de wos niagnds Blods mea haumm.
Daunn und waunn foin a boa Dropfn
vo de Augn aufn Disch.
Weid weg gschbiasd es Headsal globfn,
mid sein Schbrung gaunds neich und frisch.
In de Uan, es leise Rauschn
sogd da, es gibd nix zum Hean.
Draussd es Lebn, wos gehd weida,
lossd si vo dia nimmamea schdean.
Du bisd goa nix mea, wia Unglick.
Dick und fedt und schwa wia Blei.
Frissd di söwa auf vo innan.
Gaunds noamal, wos is scho dabei?
Kednsogn rodian in dia drin.
Schneidn, schneidn, ollas zua.
In da Brusd gniaschn de Schdana.
Und es is no laung ned gnua.
