Page 49 - Nix zum Lochn
P. 49
adWendtkalenda 0
Du hosdas mid mia gmochd so wia mid an Adwendtkalenda.
A Fensdtal nochn aundan hosd gmochd auf schbeaaunglweid.
Nua iagndwaunn hosd mi odrahd wia an bledn Radiosenda
und hosdas nimmamea dalebd, wia es Weihnochdsgleckal leidt.
De Fensdtaln san da Reih noch ans ums aundre wieda zuagfoin.
Mia san scho wieda zruck bein Grambus und bein Nikolo.
De Büdln, wos i da häd zagn kennan, de hosd hoid ned seng woin
und midtn in Abrü is auf amoi da Dezemba wieda do.
I füh mi jeds so unnedich und voi zum Schmeissn.
Wos i hob ghobd zum Heazagn, des woa leida ned dei Foi.
Jeds kaunnsd mi haun ins Oidbabpia. Soi mi da Reisswoif jeds zreissn.
Weu, wos wüsd mid an Adwendtkalenda duan, a zweidtes Moi?
4
